Draaipunt

About the Book

Die skrywer is ‘n normale Suid- Afrikaanse vader en eggenoot met ‘n beroep wat hy nie met sy gesin gedeel het nie. Van kind, na soldaat, na boer, na sakeman, na Polisie beampte. Hy begin die verhaal by sy kindsbeen dae waartydens ons nie altyd weet hoekom en waarom dinge so gebeur nie. Die gebeure hierin vervat beskryf dit. “Draaipunt” neem jou op ‘n bospaatjie waarlangs jy die sal begryp. Dit leer en berei jou voor vir besluite wat jy sal moet maak tydens jou seevaart wat soms lei tot stormagtige waters.

Gedurende die 40ste jaar van sy lewe het God hom stilgemaak om vir hom te sê wat in Deut. 8: 2-3. staan.”v2 “En jy moet dink aan die hele pad waarlangs die Here jou God jou nou veertig jaar lank in die woestyn gelei het tot jou verootmoediging en beproewing, om te weet wat in jou hart is, of jy sy gebooie sal hou of nie. v3 En Hy het jou verootmoedig en jou laat honger ly en jou die manna laat eet wat jy en jou vaders nie geken het nie, om aan jou bekend te maak dat die mens nie van brood alleen lewe nie, maar dat die mens lewe van alles wat uit die mond van die Here uitgaan.” Ook vandag mag u voel u gaan deur waters, God is by u, of deur riviere - hulle sal u nie oorstroom nie; as u deur vuur gaan, sal u nie skroei nie, en die vlam sal u nie brand nie. Wees nie bevrees nie, God maak iets nuut, u sal dit dalk nie merk nie. Ja, God maak 'n pad in die woestyn, riviere in die wildernis om sy volk (u en ek), Sy uitverkorene, te laat drink. Die natuur en ek en u sal God eer, ons sal Sy lof verkondig. Elke boodskap hierby aangeheg, is van God, aan my oorgedra, en ek deel dit graag met u.

Die skrywer wil getuig en met u deel dat gedurende die tyd het hy met God ontmoet en ook homself leer ken. Hy beskryf dit as swaar tye maar sy beste tye met God. God is so Goed: God vra soms van ons die aardse dinge, die eindige dinge en gee ons die Hemelse-ewige in die plek daarvan. God eis sekere dinge van ons op, maar dan oorlaai Hy ons weer met Sy allerrykste seëninge. Nooit maar nooit het God eenkant gestaan en kyk hoe donkerte om hom toesak nie. Hy is sy Lig, dit het hy aan die Here se genade te danke. Wanneer ons oor God of met God wil praat, Hy sal ons leer wat om te sê, ook vandag sal Hy ons sterkte skenk.

Rom.10:13. - Want: Elkeen wat die Naam van die Here aanroep, sal gered word. Om dissipel van Jesus te wees moet ons sterf, ons kruis opneem en agter Jesus aangaan. Volgens Heb.12 word ons gereken egte kinders van God te wees. God toets ons harte, nederigheid, vriendelikheid en al die vrugte van die Gees, sal ons deel word as ons in die Lig bly. Lees Rom 12: 9-21. Oorwin die kwaad. Die is 'n saak tussen jou en die Here. Dit gaan nie daarom om mense te plesier nie, maar om God te behaag. By skuldbelydenis ervaar jy die liefdevolle troos van die Vader. Dit is so maklik om kwaad met kwaad te vergeld, maar die Heilige Gees sê aan ons wat die Vader van ons verwag: God se tyd is die regte tyd.

Die manuskrip is:

 			*‘n belofte gestand gedoen,  									*die waarheid kom tot die lig,								*die ware verhaal kan mense help in nood 						   	   ongeag wat hul omstandighede is,								 *die ontdekkings is ongelooflik en U sal dit wil deel met ander. 

Die hart van die verhaal is waar die skrywer gekonfronteer word, maar geweier het om ‘n korrupte Polisie man te wees, nie sonder ‘n prys nie – Sy lewe!

About the Author

Emil Anthony van der Merwe is gebore 1967-02-25 in Gauteng, Suid-Afrika. Hy het gematrikuleer te Hoër Landbouskool Kuschke in 1985. Meld aan vir Nasionale Diesplig by die Suid-Afrikaanse Nasionale Weermag vir ‘n tydperk van 30 maande waarop hy grensdiens verrig het en verskeie meriete toekennings verwerf het. Hy begin sy loopbaan by die Langkloof Boere Koöperasie waarna hy geattesteer is by die Suid-Afrikaanse Polisie diens op 1990-11-01. Hy help skryf aan verskeie opleidings en oorlewings kursusse. Hy studeer te Technicon RSA, maar dit is een gebed wat sy lewe vir hom sou verryk, dit is ook hier waar hy die meeste kennis opgedoen het. Na sy lewens ervaringe en blootstelling word die wilde, ongetemde seun, ‘n liefdevolle man met ‘n getuienis wat hom inspereer om die storie “Draaipunt” te skryf. Stormagtige omstandighede wat elk van ons lei tot vrae het hy, man alleen met hulp en genade van God oorkom. Soos hy dit stel, “‘n mens kan slim word van ‘n ander se kennis maar kan nie wys word van ‘n ander se ervaring nie.” Hy deel die gebeure op ‘n unieke en opwindende wyse sodat kind en volwassene dit kan verstaan. Hy is tans besig met sy volgende manuskrip wat handel oor lewe.