Ripples

About the Book

About the Author

Imbongo izelwe Esigodini ngo1964, koMthomzima. Yafunda ezikolweni ezimbalwa lapho umbalisikazi oyizalayo afundisa khona. Imbongi yafunda eTennyson Hlabangana Secondary School. Yasikhetha ukufunda ngokuthatshwa lokulondolozwa kolwazi lokugcinwa kwesiko. Yasebenza e British Council okweminyaka elitshumi. Ike yathi ukuzula kancinyane yaba ngumantegwane isenza iMA ku Multimedia Studies eUniversity of Teesside. ETeesside, imbongi yathola ithuba lokuthi ikhulume ngocotshisiso (research) lwayo emphakathini. Ekuqakiseni isiko layo kwacacake ukuthi lalo lifana lamanye amasiko, njalo kuyadingeka ukuba liphakanyiswe. Yasisiya eTyne and Wear Museums lapho eyaba yicuratorial assistant yaze yagqiba ngeMA in Museum Studies and Interpretation eUniversity of Newcastle. Okwamanje ngumkhulu we Equal Opportunities, Access and Inclusion esigodlweni seNorth Tyneside kumalibraries. Imbongi ke iyaloba njalo ifundise ezikolweni, emaMuseums lema Galleries, ngokulotshwa kwenkondlo, langokuchasisa, ukubukiswa loku khangelisisisa ezephathelene lamasiko emhlangothi ezitshiyeneyo. Ibuya itshadise, isekele abaculi beMzansi abeza kuleli, njalo ivule imbukiso ethize eNorth East - kwele Nglandi. Imbongi yaqala ukuthakazelela inkondlo isemfitshane, okugcwalisa elabadala elithi “iqala emafusi iyogqiba emdangweni”. Ukuhutshelwa kuhle, kuyafika njengedlozi, nxasekufikile kufane lokuphatheka kukukhakhamezele. Imbhongi yande ukuhutshelwa ikakhulu nxa igijima, lapho yayitshaye ihambelane lesiqubu sayo. Kuyenzeka ke ukuba kwehlule ukuhlabeleka, izame njalo ize ibeke intonga phansi. Kwenzakale itholakale indlela yokuhaya yeqe igijime ngamandla, ibukwa zinyoni phakathi komango. Lolugwalo ngolokuqala, kodwa ziphuma zimbili, lolwesiNgisi olulesihloko esithi Ripples. Izele amawele, kungakho nxa ulukholwa lolu ungadinga iphahla lalo. Kulomcephe (DVD) olandelayo lapho imbhongi egiya khona.